Ժամանակակից պոեզիայի լավագույն ասմունքողներից մեկը՝ «Ծնված ԽՍՀՄ-ում» հաղորդաշարի հանրահայտ հեռուստահաղորդավար, ռեժիսոր Վլադիմիր Գլազունովը մարտի 9-ին ելույթ կունենա Երևանում՝ Առնո Բաբաջանյան համերգասրահում։
Golden Light Orchestra նախագծի հեղինակ, կոմպոզիտոր Սերգեյ Սիրոտինի հետ (Կիպրոս) նա կներկայացնի անակնկալներով լի գարնանային բանաստեղծական շոու՝ մեկ անձի ներկայացում։
Նա որոշել է մարտի 8-ի առիթով հայ կանանց հույզեր ու ջերմ զգացողություններ նվիրել։
«Նվիրեք ձեր մայրիկին, կնոջը, աղջկան, ընկերուհուն և, իհարկե, ինքներդ ձեզ երկու ժամ պոեզիայի և կախարդական երաժշտության ներդաշնակություն՝ «Նվեր՝ սիրելի կնոջը» մեկ դերասանի շոուում:
Այս ներկայացման մեջ մենք խոսում ենք բարության և սիրո մասին, հոգևորի և կենսական արժեքների մասին, վերադառնում ենք ակունքներին, որտեղ դահլիճում նստած յուրաքանչյուր ոք հաճախ մտածում է ամենանվիրական զգացումների, նրբորեն թաքցրած գաղտնիքների ու հույզերի մասին, որոնք մենք երբեմն մոռանում ենք առօրյա եռուզեռի ու կյանքի հորձանուտի մեջ»,- դիմելով հայ կանանց՝ ասել է Վլադիմիր Գլազունովը։
