Վաշինգտոնը մտադիր չէ զորքեր ուղարկել Ուկրաինա․ Միլլեր

ԱՄՆ Պետդեպարտամենտը հաստատել է, որ Վաշինգտոնը մտադիր չէ զորքեր ուղարկել Ուկրաինա։ Այս մասին լրագրողների համար հերթական ճեպազրույցում հայտարարել է Պետդեպարտամենտի մամուլի ծառայության ղեկավար Մեթյու Միլլերը։

Կարծում եմ՝ այս մասին երեկ խոսել եմ այս ամբիոնից, որտեղ հասկացրել եմ, որ մյուս երկրներն իրենք են որոշելու իրենց անելիքը։ Այնուամենայնիվ, ԱՄՆ-ի անունից նախագահ Ջո Բայդենը շատ հստակ ասել է, որ մտադիր չէ զորքեր մտցնել Ուկրաինա:

Ես երեկ վկայակոչեցի ՆԱՏՕ-ի գլխավոր քարտուղարի Յենս Ստոլտենբերգի մեկնաբանությունը, որը շատ հստակ հասկացրեց, որ Ուկրաինայում ՆԱՏՕ-ի զորքեր չեն լինի»,- ասել է Միլլերը։