ՀՀ ժողովրդական արտիստ Ռաֆայել Քոթանջյանի մահվան կապակցությամբ ստեղծվել է հուղարկավորության կազմակերպման հանձնաժողով։ Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը։
Ըստ հաղորդագրության` ՀՀ վարչապետի որոշմամբ ստեղծված հանձնաժողովը կգլխավորի ԿԳՄՍ նախարար Վահրամ Դումանյանը։
Ռաֆայել Քոթանջյանի հոգեհանգստի արարողությունը տեղի կունենա հունիսի 15-ին՝ ժամը 17:30-20:00-ին, Կոնդի Սուրբ Հովհաննես Կարապետ եկեղեցում, վերջին հրաժեշտը՝ հունիսի 16-ին՝ ժամը 11:00-13:00-ին, Գաբրիել Սունդուկյանի անվան ազգային ակադեմիական թատրոնից: