Լրագրողներն այսօր «Եռաբլուր» զինվորական պանթեոն այցելած «Հայրենիք» կուսակցության ղեկավար Արթուր Վանեցյանից հետաքրքրվեցին՝ ըստ նրա՝ ինչո՞ւ ՀՀ ղեկավարությունը չմոտեցավ և ծաղիկներ չխոնարհեց նաև 44-օրյա պատերազմի զոհերի հիշատակին կանգնեցված «Արցախի կանչ» հուշակոթողի մոտ։
Ի պատասխան՝ Վանեցյանը նշեց.նման բան չի նկատել։
«Դա իրենց խնդիրն է, երևի բարդույթներ ունեն»։
Հատկանշական է, որ հուշակոթողը կանգնեցվել է Արթուր Վանեցյանի նախաձեռնությամբ և աջակցությամբ։
Կարևորելով հիշատակի օրը, Վանեցյանը նշեց, որ Այսօր կարևոր օր է։
«Կուզեի, որ նման օր ընդհանրապես չլիներ մեր պատմության մեջ, բայց այսօր բոլորս պետք է ոգեկոչենք մեր անմահացած հերոսներին, խոնարհվենք նրանց ծնողների, երեխաների, կանանց, եղբայրների ու քույրերի առաջ։ Նրանք իրենց ամենաթանկը տվել են հայրենիքին, որպեսզի մենք կարողանանք ապրել ու գոյատևել։ Խոնարհումս բոլոր նահատակված հերոսներին»,- ասաց նա։
Վանեցյանը միաժաանակ նշեց, որ չէր ցանկանա այս օրը գնահատական տալ իշխանությունների արարքներին․
«Պետք է այնպես անենք, որ Եռաբլուրում և, առհասարակ, Հայաստանում նոր զոհեր չլինեն, և մենք կարողանանք ապրել, գոյատևել ու զարգանալ խաղաղ և անվտանգ հայրենիքում»,- ասաց նա։
