Ոստիկանությունը թիվ 166 դպրոցում է. Արցախի հերոս Դավիթ Առուշանյանի վրա դանակով հարձակված դեռահասի ինքնությունը բացահայտվել է

«Քիչ առաջ 166 դպրոցի տնօրենի հետ զրուցեցի։ Տիկին Քուշկյանն ասաց, որ ոստիկանությունն արդեն դպրոցում է, դրանց գտել են, ծնողների հետ քիչ հետո կտեղափոխեն բաժին»,- տեղեկացնում է բլոգեր Արամ Գևորգյանը, որը հաղորդում էր տարածել այն մասին, որ դեռահաս մի աղջիկ դանակով հարձակվել է Արցախի հերոս Դավիթ Առուշանյանի մոր՝ տիկին Լիդայի վրա։
Արամ Գևորգյանը պատմում է, որ 166 դպրոցի տնօրենը շատ վրդովված է այդ դեպքի հետ կապված, պարզապես ի պաշտոնե պարտավորված է զսպվածություն ցուցաբերել որպես տնօրեն։
«Ինքը տիկին Լիդային էլ է շատ լավ ճանաչում, Դավիթին էլ կարծեմ դաս է տվել։ Մի քանի ամիս առաջ էլ Դավիթին ու դպրոցի անմահացած տղերքին նվիրված մեծ ու գեղեցիկ հուշ-ցերեկույթ էին կազմակերպել։
Դպրոցի հետ ոչ մի խնդիր չկա։ Ինչպես արդեն ասել եմ՝ այդ դպրոցում սովորել է նաև Դավիթը, պարզապես այդ անդաստիարակներին ավելի արագ իդենտիֆիկացնելու համար պետք է նշվեր, թե որ դպրոցի 9-րդ դասարանի սաներ են։ Լրատվականների ընկերներիս էլ կխնդրեմ, որ դրա հետ կապված դպրոցը չթիրախավորվի։
Հավելյալ ինֆորմացիա ունենալու դեպքում էլ տեղյակ կպահեմ, հուսանք ոստիկանությունն էլ հանդես կգա հայտարարությամբ, երբ ամեն ինչ պարզած կլինի»,- տեղեկացնում է բլոգերը։