Արցախյան մեկ տասնյակից ավելի կազմակերպություններ այսօր բողոքի ակցիա իրականացրին ՄԱԿ-ի հայաստանյան գրասենյակի և ԱԳՆ-ի դիմաց՝ պահանջելով սաստել Բաքվին ու կասեցնել Արցախի ռազմաքաղաքական ղեկավարների ու Բաքվում բանտարկված մեր մյուս գերիների կեղծ դատավարությունը։
Ալիևն ակնհայտորեն ծաղրում է հայ ժողովրդին, փորձում հոգեբանորեն ճնշել, բարոյազրկել նսեմացնել՝ բեմադրելով իբր հայ ահաբեկիչների դատավարությունը։
Մարդու իրավունքների պաշտպանության միջազգային կոնվենցիաներ խախտելով՝ Ալիևը հերթական բռնարարքն է իրականացնում՝ աշխարհի ու ՀՀ իշխանության լուռ հայացքի ներքո։
Բավական չէ, որ նա նոյեմբերի 9-ի եռակողմ համաձայնագրի դրույթները չի իրականացնում ու ազատ չի արձակում հայ գերիներին, դեռ մի բան էլ անցյալ տարվա սեպտեմբերին հայաթափեց Արցախը, օկուպացրեց այն ու ապօրինաբար կալանավորեց Արցախի ռազմաքաղաքական ղեկավարներին, կեղծ մեղադրանքներ «կարեց» նրանց վրա։
Արցախի կազմակերպությունները պահանջագրեր ներկայացրին ՄԱԿ-ին ու ԱԳՆ-ը՝ կամք ու ցանկություն դրսևորել, չլռել, չվախենալ, թույլ չտալ Ալիևին ավելի սանձարձակ ու անպատժելի դառնալ։
Միջազգային կառույցներն էլ հետևում են Հայաստանի իշխանությունների վարքագծին. նրանք պահանջատեր չեն, չեն բողոքում, չեն ընդվզում Բաքվի անօրինական, հակահայ ու ցեղասպան քայլերի դեմ, իրենք էլ են չեզոք դիրք բռնում։
Մանրամասները՝ տեսանյութում
