Նիկոլ Փաշինյանին անվստահություն հայտնելու գործընթացը մուտք է արվելու ԱԺ, երբ 54 պատգամավորի ստորագրութուն լինի։ Այլ կերպ ասած՝ երբ Դուք, տիկին Դավոյան, և ևս 18 ՔՊ-ական պատգամավոր միանան դրան, այսօր ԱԺ-ում հայտարարեց ընդդիմադիր պատգամավոր Հայկ Մամիջանյանը։
«Երբ հանրային ճնշման արդյունքում գիտակցեք, թե Ձեր չմիանալը և Նիկոլ Փաշինյանի՝ ՀՀ կառավարիչ մնալն օր օրի ինչ խնդիրներ է առաջացնում, այդ ժամանակ կունենանք այս գործընթացի հաղթական ավարտ։ Ես չեմ հիշում վերջին շրջանում որևէ գործընթաց, որի շուրջ նման կոնսենսուս առկա լինի։ Այնպես որ, շնորհավորում եմ՝ դուք ձեր գործունեությամբ կարողացել եք կոնսենսուս ապահովվել. բոլորը համակարծիք են, որ Նիկոլ Փաշինյանը պետք է հեռանա»,- ասաց Մամիջանյանը։
Ի պատասխան՝ ՔՊ-ական պատգամավոր Արփի Դավոյանը հայտարարեց՝ եթե Մամիջանյանն ակնկալում է, որ ՔՊ-ից որևէ մեկը կմիանա իմպիչմենտի գործընթացին, դա արդեն իսկ ձախողված ծրագիր է։
«Ժողովուրդն իր քվեով կասի՝ ով էր ճիշտ, ով՝ սխալ։ Մենք բաց ենք նորմալ քննադատությունների համար, սակայն ոչ նրանց, որոնք հնչեցին ձեր լսումների ժամանակ»,- ասաց Դավոյանը։
