Իրանագետ Վարդան Ոսկանյանը ֆեյսբուքյան իր էջում գրել է․
Այն, որ գործում է Բաքվի բռնապետի քարոզչամեքենայի կողմից համակարգվող և ֆինանսավորվող պանթյուրքական քարոզչական «ինտերնացիոնալ», որը թիրախավորում է հատկապես ատրպատականցիներին Իրանում և փորձում խաթարել հայ-իրանական բարեկամությունն, ապացուցվեց նաև բոլորովին վերջերս։
Նվաստիս ռուսալեզու հարցազրույցներից մեկից այդ «ինտերնացիոնալը» կտրել է մի հատված և դրանում չգտնելով իրանցիներին վիրավորող որևէ միտք, տիտրերի միջոցով այն իբր «թարգմանել է» պարսկերեն՝ ավելացնելով հորինովի վիրավորական ձևակերպումներ, որոնք ռուսերեն բնօրինակում պարզապես գոյություն չունեն։ Միակ հույսն այն է, որ կեղծիքը կտարածվի, քանի որ Իրանում քչերը ռուսերեն գիտեն։
Ակնհայտ է, որ ցածրորակ ապատեղեկատվական այս «պրոդուկտն» արտադրվել է Բաքվում, որտեղ նվաստիս արդեն հասցրել են դասել նաև Հայաստանի ռևանշիստների շարքին։
Փաստորեն նվաստիս ռուսալեզու հարցազրույցում Բաքվի բռնապետի քարոզչամեքենային վրդովվեցրել են հատկապես այս պնդումները, որոնց հատուկ անդրադարձ են կատարել հերթական գրչակի միջոցով տխրահռչակ քարոզչամիջոցներից մեկով առանձին հոդվածով՝
