Նախնական տվյալներով բոլոր բնակավայրերում Առուշ Առուշանյանը բացարձակ առաջատար է: Այս մասին NEWS.am-ի հետ զրույցում ասաց «Առուշ Առուշանյան» դաշինքի լիազոր ներկայացուցիչ Իրինա Յոլյանը:
«Նաեւ որոշակի տվյալներ ունենք Գորիս քաղաքի ընտրատեղամասերից, այնտեղ նույնպես բացարձակ առաջատար է` 50 եւ ավելի տոկոս: Ես ուզում եմ շնորհակալություն հայտնել Գորիս քաղաքի բնակիչնեչին իրենց վստահության համար, բոլորը տեսան, որ երկար ժամանակ անկախ քաղաքական հետապնդումներից, կեղծ քրեական գործերից, վստահեցին մեր թիմին, տեսան մեր աշխատանքը վերջին 4 տարիներին»,- ասաց նա:
«Առուշ Առուշանյան»-ի շտաբում արդեն սկսել են տոնել հաղթանակը: Այնտեղ են նաեւ «Հայաստան» դաշինքի պատգամավորներ Վահե Հակոբյանը եւ Աննա Գրիգորյանը:
