Նկարում աջից առաջինը Արցախի թեմի «բարենորոգիչ» առաջնորդ Վրթանես եպիսկոպոսն է 2025թ. Սուրբ Հարության տոնին Երուսաղեմի Սուրբ Հարության Տաճարում Արցախի դրոշը հպարտությամբ պահած: Արդյոք նա անկեղծ է այս պահին, միայն ինքը կարող է ասել:
Հետաքրքիր է.
1. Հիմա ինքն իրեն ո՞ր թեմի առաջնորդ է համարում:
2. Եթե Արցախի, ապա ինչու՞ է լռում:
3. Եթե Արցախ բառը նա էլ «բարենորոգման» օրակարգով այլևս չպետք է արտաբերի, ապա ինչու՞ հրաժարականի դիմում չի տալիս:
4. Արցախի թեմայով ասելիք չունի՞:
5. Ս.Պատարագին Արցախը հիշատակելու, Արցախի համար աղոթելու վերաբերյալ ասելիք չունի՞: Համամի՞տ է, որ դա պատերազմի կոչ է:
6. Նա հա՞շտ է այն մտքի հետ, որ Արցախցին պետք է մոռանա իր աստվածատուր հայրենիքը ու «Առհավետ տնավորվի ՀՀ-ում»:
7. Նա համամի՞տ է, որ. «Ոմանք Քրիստոսի խորանը օգտագործում են հակամարտություն, պատերազմ և կամ ներհայաստանյան բռնություն քարոզելու համար»:
8. Արցախի հարցն իր համար փակվա՞ծ է:
9. Եթե` այո, ապա ինչու՞ է շարունակում մնալ Արցախի թեմի առաջնորդ:
10. Եթե` ոչ, ինչու՞ է ընդհատակ անցել ու լռում: Իր պատկերացմամբ դա՞ է Եկեղեցու բարենորոգումը, ըստ իր կողմից ստորագրած փաստաթղթի:
