Միասնական քննությունները մեկնարկելու են հունիսի 7-ից

Հունիսի 7-ին մեկնարկում են այս տարվա միասնական քննությունները: Առաջին քննությունը կենսաբանությունից և աշխարագրությունից է: Կենսաբանություն հանձնելու համար հայտագրվել է 1635 դիմորդ /անցյալ տարի 1304-ն էին/, իսկ աշխարհագրություն՝127 /2021-ին՝ 176/:
Վաղը՝ կենսաբանության և աշխարհագրության միասնական քննությանը, գործելու է 15 քննական կենտրոն, 11-ը մարզերում և 4-ը՝ Երևանում: Մարզերում քննական կենտրոնները, որպես կանոն, մարզկենտրոններում են՝ մեկական: Միայն Կոտայքի մարզի քննական կենտրոնը Չարենցավանում է, իսկ Սյունիքում մարզկենտրոն Կապանից բացի, քննական կենտրոն է գործելու նաև Գորիսում: Մայրաքաղաքի քննական կենտրոններն են՝
1. Երևանի թիվ 11 հիմնական դպրոց, Մալաթիա-Սեբաստիա,ՀԱԹ, Բ2, կենսաբանություն, 140 դիմորդ:
2.Երևանի թիվ 190 ավագ դպրոց, Մալաթիա-Սեբաստիա, ՀԱԹ, Բ2, կենսաբանություն, 120 դիմորդ:
3. Երևանի թիվ 189 ավագ դպրոց, Դավիթաշեն, 1-ին թաղամաս, կենսաբանություն, 123 դիմորդ:
4. Երևանի թիվ 135 հիմնական դպրոց, Նոր Նորք, Ն. Ստեփանյան, 5, կենսաբանություն՝ 120 դիմորդ, աշխարհագրություն՝ 20:
Հունիսի 7-ի կենսաբանության և աշխարհագրության քննության տևողությունը 3 ժամ է: Ճիշտ պատասխանները հրապարակվելու են նույն օրը՝ 16. 00-ից։