Հարկ է նշել մեր պաշտպանական համագործակցությունը՝ լինի դա վերապատրաստում, թե զինամթերքի տրամադրում։ Այս ամենի նպատակն է Հայաստանին հնարավորություն տալ ապահովելու իր պաշտպանությունն ու սուվերենությունը, այսօր Երևանում հայ գործընկերոջ հետ համատեղ մամուլի ասուլիսի ժամանակ ասաց Ֆրանսիայի արտաքին գործերի նախարար Ժան-Նոել Բարոն:
«Քիչ առաջ մտադրությունների հռչակագիր ստորագրեցինք, միասին նախապատրաստում ենք նաև ապագա օրակարգը։ Կարևոր է նաև նշել, որ Հայաստանը ֆրանսիական ընկերությանն է վստահել կենսաչափական անձնագրերի թողարկումը։ Սա վստահության նշան է, և այս վստահությունը փոխադարձ է »,- ասաց ֆրանսիացի բարձրաստիճան պաշտոնյան։
Ժան-Նոել Բարոնը տեղեկացրեց՝ այսօր հայ գործընկերոջ հետ ստորագրել են մի քանի փաստաթուղթ, որոնք դառնալուեն հայ-ֆրանսիական հետագա համագործակցության խարիսխը։
«Ֆրանսիան միշտ պատրաստ կլինի աջակցել Հայաստանին, ապահովել հարաբերություններ, որոնք գնալով ավելի ու ավելի կառուցողական կլինեն»,- ասաց ֆրանսիացի նախարարը։
