Քաղաքագետ Վլադիմիր Մարտիրոսյանի ՖԲ էջից, –
Եթե հասարակությունը սպառողական է, այլ ոչ թե արժեքային, ապա նրան տալիս են նյութ, ինչով նա որոշ ժամանակ կզբաղվի, կսպառի այն մինչ նոր սպառման ենթակա նյութի գալուստը:
Հենց այսպես մինչև սեպտեմբերի 21-ը զբաղվելու ենք տոնել չտոնելու, գունագեղության անթույլատրելիության կամ կարելիության քննարկումներով:
«Գունագեղ» բառը ոչ թե պատահական, այլ պրովոկացիոն առաքելություն ուներ: Հենց այսպես մի շարք այլ որակումներ, որոնք արվել են այս մի տարվա ընթացքում փոթորկելու, քննարկելու և կլիշեներ կոտրելով ճանապարհ հարթելու առաքելություն են ունեցել, աշխատել են և դեռ որոշ ժամանակ աշխատելու են: Սա է պոպուլիզմի բնույթը:
Մենք քարից հաց քամող, դիմակայող ու վերապրող, մշակույթ ու արժեք ստեղծող ազգից վերածվել ենք «ուտող- խմող» ազգի և այդ ամենը լայվով ցույց տալով մեր միկրո-գունագեղությունն ենք ցուցադրում: Սեպտեմբեր 21-ի պարագայում ևս էական չէ արարողության արժեքայինությունը, բնույթն ու բովանդակային ճաշակը, ենթատեքստն ու ուղերձը այլ կարևորը, որ այն ճոխ ու գունագեղ է լինելու և դա էր անոնսը:
P.S. Մեզ հետ խոսում են մեզ հասկանալի լեզվով «ուտող խմողի» լեզվով:
