Արցախյան 44-օրյա պատերազմում զոհված զինծառայողների ծնողները փակել են Վերաքննիչ դատարանի հարակից փողոցը։
Այսօր նշանակված էր դատական նիստ, սակայն դատավարը հայտարարել է, որ դատախազը չի ներկայացել նիստին։
Սա բարկացրել է որդիներին կորցրած ծնողներին ու նրանց հարազատներին։ Նրանք իրենց որդիների լուսանկարները ձեռքին՝ փակել են փողոցը։
Զոհված զինծառայող Հայկ Մելիքյանի մայրը՝ Նաիրա Մելիքյանը նշեց, որ եթե չբողոքեն, նրանք նույն ոճով կշարունակեն։
«Դրա համար մենք մեր բողոքի ձայնն ենք բարձրացնում։ Բառախաղ, մանիպուլյացիա, ձգձգում, արհամարհանք, մենք ոչ մի լրջություն չենք տեսնում ոչ դատախազության, ոչ դատարանի կողմից։ Նորից կոչ ենք անում՝ պարոն Դավթյան, զարթնեք»,-ասաց զոհվածի մայրը։
Հիշեցնենք, որ այս օրերին գլխավոր դատախազ Եգիպտոսում է։
Վերքննիչ դատարանում 3-րդ անգամ Փաշինյանի դեմ հարոցված գործի քննությունը հետաձգվեց: 44-օրյա պատերազմում զոհված Արցախի հերոս Մենուա Հովհաննիսյանի մայրը՝ Կարին Տոնոյանը լրագրողների հետ զրույցում ասաց, որ նիստը հետաձգվեց, որովհետև դատախազը չէր ներկայացել դատին, իսկ իրենք հիմա փակել են փողոցը և պահանջում են, որ դատախազը գա և նիստը շարունակվի:
«Դատական համակարգը վերածվել է մանկապարտեզի, ակնհայտ խախտումներ են տեղի ունենում հենց»,-ասաց Կարին Տոնոյանը:
Նա նաև հավելեց, որ իրենք միջնորդություն են ներկայացրել պետական դավաճանության հոդվածով Փաշինյանի դեմ գործ հարուցելու համար. «Ստացվում է այնպես, որ մեզ ուղղակի ծաղրում են, ամեն շաբաթ նիստ են անում, կես ժամ հետո հետաձգում և այսպես շարունակ»::
