Հունվարից թոշակռուները վճարելու են «Հայփոստին»՝ թոշակը տուն բերելու հսմար: Մի շտապեք հայհոյել «Հայփոստին», կառավարությունն է դադարեցրել այդ ծառայության համար «Հայփոստի» ֆինանսավորումը:
Թեմայի վերաբերյալ Oragir.news-ը զրուցեց «Հայփոստ»-ի մամուլի խոսնակ Գևորգ Աբրահամյանի հետ՝ պարզելու, թե ինչո՞ւ պետք է թոշակառուները Հայփոստի աշխատակցին վճարեն գումար՝ մատուցվող ծառայություն դիմաց ։
«Այլևս նպաստները և թոշակները պետք է վճարվեն էլեկտրոնային եղենակով, իսկ դա նշանակում է, որ պետք է ստանան կա՛մ բանկերի միջոցով, կա՛մ քարտով, կամ էլ կընտրեն «Հայփոստ»-ը։ Այսինքն՝ յուրաքանչյուր թոշակառու կունենա իր էլեկտրոնային դրամապանակը «Հայփոստ»-ում և այդ դրամապանակից կստանա իր կենսաթոշակը։ Բացի այդ, ստանալու համար թոշակառուները իրենք պետք է գան «Հայփոստ»-ի իրենց բաժանմունք ու այնտեղից ստանան իրենց կենսաթոշակը՝ առանց հավելյալ վճարումների։ Քաղաքացին միայն առաքման ծառայության համար է վճարում անելու, եթե «մտնում ա տուն թոշակը՝ կոպիտ ասած»։ Առաջին և երկրորդ կարգի հաշմանդամները նույնպես իրենց թոշակը կստանան այնպես, ինչպես մինչև հիմա ստացել էին։ Նույնը նաև 75-ից բարձր անձինք, քանի որ օրենքը դա է ենթադրում»։
Oragir.news-ը կապ հաստատեց նաև փաստաբան Տիգրան Աթանեսյանի հետ՝ հասկանալու, թե թոշակառուները ինչո՞ւ պետք է վճարում կատարեն և մի՞թե դա կապված է կառավարության՝ «Հայփոստ»-ին չֆինանսավորելու հետ։
«Դա, իհարկե, իսկապես դժգոհություն է առաջացնելու թոշակառուների շրջանում։ Քանի որ արդեն օրենքը դա է ենթադրում, կարելի է եզրակացնել, որ կառավարությունը դադարեցրել է ֆինանսավորումը «Հայփոստ»-ին։ Իհարկե, ստացվում է այնպես, որ դա ծառայության համար վճար է, ու մի բան էլ «Հայփոստ»-ն է ասելու, որ դրա համար կան քարտեր, թող ակտիվացնեն ծառայությունը։ Եթե դժվարանում են, թող գումարը նստի քարտին»։
