Հունիսի 3-ին ոստիկանները Եվրամիության դեսպանատան դիմաց լուսաձայնային նռնակներ են գցել, բայց դրա մասին բոլորը լռում են

«Ձեզնից շատերը, մասնակցելով ակցիաներին, հանրահավաքներին՝ տեսնում եք, որ ձեր ընկերներից մեկը չի գալիսցույցերին, այլ գնում է Սարյան փողոց՝ գինու փառատոնին գինի խմելու։ Դուք պետք է իմանաք, որ մենք բոլորս Մենք նաև հանրահավաքներին չմասնակցողների համար ենք պայքարում»,-հունիսի 6-ի հանրահավաքին իր ելույթում ասել է «Դիմադրություն» շարժման ներկայացուցիչ Արամ Վարդևանյանը։
Նա նշել է, որ հունիսի 3-ը նոյեմբերի 9-ից հետո ամենացավոտ օրն է։ Այդ օր ոստիկանների բարբարոսություններով թուրքերն էին ուրախանում։
«Տարեց, կին, երեխա ծեծող ոստիկանը ոստիկան չի, հանցագործ է։
Նախկինում խնդիրներ եղել են, գիտենք, որ այդ խնդիրներից մեկն էլ այն է եղել, որ մարդուն կալանավորել են նաև ոստիկանի ցուցմունքի հիման վրա։ Բայց հիմա՝ այս իշխանությունների օրոք Ֆրանսիայի հրապարոկւմ գտնված ոստիկանը պատմել է Պռոշյան փողոցում տեղի ունեցածի մասին, ու նրա ցուցմունքի հինման վրա մարդկանց են կալանավորել Սա նախկինից էլ նախկին գործելաոճ է»,- ասել է Վարդևանյանը։
Նա տեղեկություն է հաղորդել, որ հունիսի 3-ին ոստիկանները Եվրամիության դեսպանատան դիմաց լուսաձայնային նռնակներ են գցել, բայց դրա մասին բոլորը լռում են։