Հունգարիայի վարչապետի քաղաքականության հարցերով խորհրդական Բալաշ Օրբանը հայտարարել է, որ Եվրամիությունը պետք է հրաժարվի իր պատժամիջոցների քաղաքականությունից և բանակցություններ սկսի Ռուսաստանի հետ, հայտնում է Reuters- ը ։
«Ի վերջո, տնտեսական խնդիրների պատճառով այս պատերազմում պարտվող կողմը կլինի Եվրոպան։ Մեր առաջարկությունն այն է, որ մենք պետք է դադարեցնենք պատժամիջոցների գործընթացը։ <…> Մենք հիմա տեսնում ենք, որ որքան շատ պատժամիջոցներ սահմանենք, այնքան ավելի վատ վիճակում կհայտնվենք: <…> Այսպիսով, ժամանակն է մտածել բանակցությունների, հրադադարի և խաղաղ դիվանագիտության մասին։ Սա մեր որոշումն է»,- ասել է Օրբանը:
Նա նշել է, որ ԵՄ-ի և այլ երկրների պատժամիջոցները չեն կարող անուղղելի վնաս հասցնել Ռուսաստանի տնտեսությանը և դադարեցնել հատուկ գործողությունը։
Ավելի վաղ Հունգարիայի ԱԳՆ-ն հայտարարել էր, որ իրենք այլընտրանք չեն տեսնում ռուսական գազի մատակարարմանը։
Ըստ Պիտեր Սիյարտոյի , Հունգարիա վառելիքի ներմուծման ուղիների բազմազանության մեծացման երկու սցենար կա՝ Արևելյան Միջերկրական ծովի ավազանից և Ադրբեջանից: Բայց այնտեղից գազ կարող է փոխադրվել միայն Հունաստանով։ Սա իր հերթին պահանջում է նոր խողովակաշարերի կառուցում։
