ՀՀ ԱԳՆ խոսնակ Անի Բադալյանը RadarArmenia-ի հարցին ի պատասխան նշել է. «Հայաստանի և Ադրբեջանի միջազգային սահմանին ՀԱՊԿ մշտադիտարկման առաքելության տեղակայման հարցի առնչությամբ հայկական կողմի դիրքորոշումը ներկայացվել և հնչեցվել է տարբեր ձևաչափերում և այս պահին այդ հարցում փոփոխություն չկա»:
Հիշեցնենք, որ օրերս Ռուսաստանի ԱԳՆ ԱՊՀ երկրների առաջին դեպարտամենտի տնօրեն Միքայել Աղասանդյանը հայտարարել էր, որ ՀԱՊԿ-ը պատրաստ է վերադառնալ Հայաստանի և Ադրբեջանի սահմանին դիտորդական առաքելություն տեղակայելու հարցի քննարկմանը, և Երևանից դեռևս ակնկալում են դրական արձագանք։
