Նարե Սիմոնյանի ՖԲ էջից, –
Ավելի պարզ՝ ԱՀ նախագահն ու ՀՀ վարչապետը հլու-հնազանդ կատարում են Ադրբեջանի նախագահի հրամանը, այն է՝ Արցախը զինված ուժեր պետք է չունենա: Եվ առաջիններից զորքը հանում են հենց շրջափակված Եղցահողից: Ցերեկային ժամերին հսկողություն կիրականացնեն ռուս խաղաղապահները: Իսկ գիշե՞րը: Գիշերը գյուղի բնակչությունը թողնված կլինի թշնամու զինվորի բարեգթությանը: Կարո՞ղ եք ասել՝ ինչ կլինի, եթե մի օր գյուղը ցեղասպանված գտնեն: Ասեմ, հայտարարություն կլինի. «գործը դատախազությունում է, հանգամանքները պարզվում են»: Այսքանը:
Եվ այդքանի հետ՝ պատերազմի խայտառակ ավարտից հետո եղցահողցիներին երաշխավորում էին, որ ապահով է, պետք է վերադառնալ, ահա հայկական զորքը կանգնած է…
Ինչու՞
Որովհետև Ալիևին պետք է Արցախն՝ առանց արցախցիների:
Նիկոլին պետք չեն ոչ Արցախը, ոչ արցախցիները:
Իսկ Արայիկին պետք է միայն հնարավորինս օգուտ քաղել ստեղծված իրավիճակից՝ բիզնես շահ:
Այսքանը:
Հ.Գ. Ու իրենցից ոչ մեկը իհարկե մեղավոր չի զգա իրեն, մեղավոր կզգամ ես, որ չեմ համոզել իմ հարազատներին չվերադառնալ:
