Բաքուն վաղ առավոտից պատասխանում է Նիկոլ Փաշինյանի մյունխենյան հանդիպումներում հնչեցրած հայտարարություններին։
Չնայած այն հանգամանքին, որ Գերմանիայի կանցլերի նախաձեռնությամբ Ադրբեջանի և Հայաստանի ղեկավարների հանդիպումն անցել է կառուցողական և օգտակար մթնոլորտում՝ չնայած հայ-ադրբեջանական հարաբերությունների կարգավորման, սահմանազատման և խաղաղության պայմանագրի կոչերին ու հայտարարություններին, ՀՀ վարչապետ Նիկոլ Փաշինյանը միջազգային հանրությանը մոլորեցնում է. հայտարարել է Ադրբեջանի ԱԳՆ-ը։
ԱԳՆ մամուլի քարտուղար Այխան Հաջիզադեն իրեն իրավունք է վերապահել պարզաբանել, թե ինչ է ցանկացել ասել Փաշինյանը «Ղարաբաղի ինքնորոշման իրավունքը չի աջակցվում միջազգային հանրության կողմից» հայտարարությամբ։
Ադրբեջանցին Հայաստանի ղեկավարի ասածն այսպես է մեկնաբանում. «Հայաստանի վարչապետը ոչ թե ասում է, որ Ադրբեջանի տարածքների նկատմամբ հավակնություններն անհիմն են, այլ միջազգային հանրության կողմից չաջակցվող գործողութունների շարունակությունն է անհիմն։ Սա եւս մեկ անգամ անուղղակիորեն ապացուցում է, որ հայկական կողմի պնդումները դեռ շարունակվում են։ Այս առումով Հայաստանի Սահմանադրությամբ և օրենսդրական ակտերում արտացոլված մեր տարածքային ամբողջականության և ինքնիշխանության նկատմամբ պահանջները պետք է վերացվեն»։