Իսրայելական բանակը հայտնել է Գազայի հատվածում ավելի քան 500 թիրախի խոցման մասին։
Իսրայելի պաշտպանության բանակի խոսնակ կոնտրադմիրալ Դանիել Հագարին ասել է, որ հոկտեմբերի 9-ի առավոտյան մարտերը շարունակվել են Իսրայելի հարավի վեց քաղաքներում՝ Գազայի հետ սահմանին։
Գազայի հատվածում զոհերի թիվը հասել է 424-ի, Իսրայելում՝ գերազանցել է 700-ը. հայտնում են տեղական ԶԼՄ-ները՝ վկայակոչելով առողջապահության նախարարությանը։
Իսրայելում իրավիճակի վատթարացման պատճառով ՄԱԿ-ի Անվտանգության խորհուրդը արտակարգ նիստ է անցկացրել։ Արդյունքում հայտարարություն չի ընդունվել։
Իսրայելի հարավում կամավորները հայտնաբերել են Nature Party փառատոնի մասնակիցների 260 դի. հայտնում է The Jerusalem Post-ը։ Դիակները հայտնաբերվել են Կիբուց Ռեյմնայում (Իսրայելի և Գազայի հատվածի սահմանից երեք կիլոմետր հեռավորության վրա): Փառատոնին մոտ 3 հազար մարդ է եղել։
ՀԱՄԱՍ-ը և Իսլամական Ջիհադը հայտարարել են, որ գերի են պահում մոտ 130 իսրայելցու։ Պատանդների թվում կան նաև այլ երկրների՝ Ֆրանսիայի, Գերմանիայի, Նեպալի, Թաիլանդի, ԱՄՆ-ի և Ուկրաինայի քաղաքացիներ։
ՀԱՄԱՍ-ը 100 հրթիռ է արձակել Աշքելոնի ուղղությամբ (գտնվում է Գազայի հատվածի մոտ): Հրթիռը խոցել է բնակելի շենքերից մեկի տանիքը։
The Wall Street Journal-ը, հղում անելով աղբյուրներին, նշում է, որ Իրանի անվտանգության պաշտոնյաներն օգնել են ծրագրել ՀԱՄԱՍ-ի հարձակումն Իսրայելի վրա: Իրանը հերքում է իր մասնակցությունը հակամարտության սրմանը։
