Ռուսաստանի արտաքին գործերի նախարարությունը հայտարարել է իր հաղթանակի մասին միջազգային արբիտրաժային գործում, որը վերաբերում էր Կերչի նեղուցում, Ազովի ծովում և Ղրիմի շուրջ Սև ծովի ջրերում ափամերձ պետության իրավունքներին։
Ռուսաստանի արտաքին գործերի նախարարությունը հայտարարել է, որ Կիևի փորձերը՝ վիճարկելու Ռուսաստանի ինքնիշխանությունը Ղրիմի և հարակից ծովային տարածքների նկատմամբ, աջակցություն չեն ստացել Հաագայի միջազգային դատարանում։
Պաշտոնական Մոսկվան նաև հայտնել է, որ մերժվել է Ուկրաինայի փաստարկը Կերչի նեղուցի միջազգային կարգավիճակի վերաբերյալ։
«Հաագայի Արբիտրաժային դատարանը մերժեց Կիևի պահանջը՝ Ռուսաստանի կողմից Ազովի ծովի ամբողջ տարածքի նկատմամբ ինքնիշխանության պահանջը ճանաչելու՝ որպես միջազգային իրավունքի խախտում։ Կիևի փորձերը՝ վիճարկելու Ռուսաստանի ինքնիշխանությունը Ղրիմի թերակղզու և հարակից ծովային տարածքների նկատմամբ, ձախողվեցին Հաագայում։ Ուկրաինայի փորձը՝ Կերչի նեղուցը ճանաչել որպես «միջազգային»՝ ռազմանավերի անցում ապահովելու համար, նույնպես անհաջողության մատնվեց», – ասվում է Ռուսաստանի արտաքին գործերի նախարարության հայտարարության մեջ։
