Բաքվում շարունակվում է պայթյունների շարքը։ Լուսադեմին քաղաքում տարբեր հատվածներում կրկին պայթյուններ են արձանագրվել։ Պաշտոնական լրատվամիջոցները շարունակում են լռել։
Ընդդիմադիր լրատվականներից մեկը հաղորդել էր, որ առնվազն երկու ռազմական արտադրություն իրականացնող գործարան է պայթել։ Ըստ հրապարակված տեղեկությունների՝ կան զոհեր և վիրավորներ, սակայն նյութը շուտով հեռացվել է։
Ադրբեջանական փակ ֆորումներում շրջանառվում են տեղեկություններ երրորդ պայթյունի մասին՝ այս անգամ քաղաքի լրիվ այլ հատվածում։
Բաքվում գտնվող «Ալով» գործարանում, որը Ադրբեջանի Պաշտպանական արդյունաբերության նախարարության կազմում է, տեղի է ունեցել պայթյուն և բռնկվել է հրդեհ։ Ի դեպ, գործարանի անունը թարգմանաբար նշանակում է «Պայթյուն» կամ «Հուր» (նաեւ՝ «Արև» կամ «Արեգակ»):
Մոտ մեկ ժամ անց լրատվամիջոցները ջնջեցին նախնական հաղորդագրությունները և պարզաբանեցին, թե իբր պարզապես հրդեհ է բռնկվել ֆիլմի նկարահանման հրապարակում։
