Վերջին ակնթարթներ. հրաժեշտ՝ Արցախին. լուսանկարներ

Արցախում այսօր ամուսնացել են։

Ստեփանակերտի Սուրբ Աստվածածին առաջնորդանիստ եկեղեցում քահանան ամուսնացրել է երիտասարդ զույգին։

Հարսն ու փեսան որոշել են իրենց Հայրենիքը ստիպողաբար լքելուց առաջ պսակադրվել Արցախում։

Լուսանկարն այսօր է արվել՝ Արցախում։

Արցախցիները բռնել են գաղթի ճամփան։ Ավտոմեքենաները շտապում են մարդկանց դուրս բերել Արցախից։

Պատերազմն Արցախում դեռ չի ավարտվել, որովհետև ադրբեջանցիների տիրապետության տակ գտնվող տարածքներում դեռ անթաղ դիակներ կան։ Իսկ հայտնաբերված դիակներն այսօր հանձնել են հարազատներին։

Արցախցի երեխաները հրաժեշտ են տալիս իրենց Հայրենիքին։

Արցախցիներն իրենց տներից դուրս գալով՝ վերջին պահին, հող են բերում իրենց հետ։

Հայրենիքից մի բուռ սուրբ մասունք։