ՀՀ-ում ՄԱԿ-ի գրասենյակի մոտ արդեն 6-րդ օրն է՝ նստացույցը, բողոքի ակցիաները շարունակվում են։
Ինչպես հայտնի է, Արցախի Հանրապետության պետքարտուղարի խորհրդական Արտակ Բեգլարյանը շուրջօրյա նստացույց է անում, նրան պարբերաբար զորակցելու են գալիս քաղաքական, հասարակական գործիչներ, ուսանողներ, ուսուցիչներ, երեխաներ։
Դեկտեմբերի 17-ի երեկոյան ՄԱԿ-ի գրասենյակի մոտ բողոքի ակցիա էին կազմակերպել բժիշկները։
Արցախյան պատերազմիներին՝ սկսած 1990-ականներից, հայ բժիշկները բուժօգնություն են ցույց տվել, վիրահատել են նաև ադրբեջանցի խաղաղ բնակիչներին ու ռազմագերիներին։ Արցախյան առաջին պատերազմի ժամանակ էլ էր Արցախը շրջափակման մեջ, բայց գոնե ուղղաթիռներով հնարավոր էր Հայաստանի հետ կապ պահպանել, հիվանդներին, վիրավորներին, երեխաներին տեղափոխել Հայաստան։
Իսկ այսօր Արցախը լիովին մեկուսացված է, 120 հազար արցախցի Արցախը Հայաստանին կապող միակ ճանապարհը փակած մի քանի հարյուր ադրբեջանցու պատանդն է։
Արցախում ծայրահեղ ծանր վիճակում հիվանդներ կան, որոնք պետք է տեղափոխվեին Հայաստան։
Հայաստանից պետք է բժիշկների խումբ գործուղվեր Արցախ՝ հատուկ վիրահատություններ անելու, նեղ մասնագիտական բուժօգնություն ցույց տալու։
Հայ բժիշկներն ահազանգում են՝ քաղաքական, տնտեսական բոլոր շահերից վեր մարդն ու մարդկային կյանքերն են, որոնք այսօր վտանգված են։
Մանրամասները՝ տեսանյութում
