Ինչպես ակնկալվում էր, մարտի 2-3-ին Բեռլին կատարած ՀՀ վարչապետի աշխատանքային այցից հետո, ԳԴՀ նախագահն ու կանցլերը մարտի 14-ին ընդունելու են Ադրբեջանի նախագահ Իլհամ Ալիեւին:
Ժամը 10.30-ին նախագահական Բելվյու դղյակում կկայանա Ֆրանկ Վալտեր Շթայնմայերի հետ Ալիեւի առանձնազրույցը, իսկ ժամը 13-ին Ադրբեջանի նախագահին կհյուրընկալի կանցլեր Օլաֆ Շոլցը: Երկու երկրների առաջնորդների զրույցի առանցքը տնտեսական, էներգետիկ քաղաքականության, միջազգային եւ տարածաշրջանային անվտանգության հարցերն են:
Առայժմ ծանուցում չկա, թե հանդիպումներից հետո ԶԼՄ-ների համար ասուլիս է նախատեսված: Նկատելի է, որ Ալիեւը, հատկապես վերջին շրջանում, արտերկրում խուսափում է լրագրողների հետ դեմառդեմ հանդիպումներից, բացառություն են իհարկե իր հետ ճամփորդող իր կամակատար լրագրողները:
Անահիտ Հովսեփյան, Գերմանիա
