Կոստանդնուպոլսի թատրոնի տերը քպ-ական քարոզիչներին կհարցնե՞ր՝ որքա՞ն գումար կուզեք թատրոնիս մեջ ապուշի դեր կատարելու համար

Ասեք,կանենք։

Համայնքային ցանկացած միջոցառում դառնում է զավեշտի փնթի կրկես։

Բեմ են բարձրանում մարդանման արարածներ, որոնց բոլորին կարծես թե միավորում է՝

1. Մտքի իսպառ բացակայությունը,

2. Մարդկային արտաքին տվյալների բացակայությունը,

3. Քաղաքացիների հետ զրույց վարելու անկարողությունը,

4. Ծրագրային որևէ նախագծի շուրջ քննարկման անհնարինությունը,

5. Փողոցային թափթփուկների, կիսագողական վնասատուների բառապաշարի լիակատար տիրապետումը։

Azg.am-ը ներկայացնում է «Հայաքվե» օրենսդրական նախաձեռնության ներկայացուցիչ Հրայր Կամենդատյանի հերթական անդրադարձը՝ այս անգամ իշխանական ուժի «Ասենք, կանենք»-ի «բովանդակության» բացահայտմամբ։

Իսկապես, վիճակը մոտ է անդառնալիության կորստաբեր շեմին, երբ համայնքային ղեկավարի լիազորությունները կարող են փոխանցվել ինչ-որ մեկին, որին ոչ ոք չի վստահում, չի սիրում, չի ճանաչում։

Գույները խտացնելու միտում չունենալով հանդերձ՝ պետք է ուշադրություն հրավիրեմ քարոզարշավային նոր հնարքի վրա, որը կիրառում են 2 համարի համազգեստավորները։

Բողոք պարունակող հարց բարձրացնելու փորձի դեպքում 2 համարի տակ հայտնված ակտիվիստները սկսում են երկինքը թնդացնել՝ ասեք, կանենք ահարկու գոռոցներով։

Անկեղծ ասած՝ ափսոսում եմ, որ այդ նորելուկ քարոզիչներին չհանդիպեց Կոստանդնուպոլսի թատրոնի տերը, որը նրանց, անշուշտ, կհարցներ՝  որքա՞ն գումար կուզեք թատրոնիս մեջ ապուշին դերը կատարելու համար։

«Ասեք, կանենք»-ի մունետիկները չեն ըմբռնել մեկ բան. ի՞նչ է նշանակում «ասեք»-ը։ Նշանակում է, որ ձայն մուրողները ծրագիր չունեն, չկա հավաքական, մասնագիտական միտք, չկա աշխատանքի իմացություն։

Արևի տակ չորացած քարոզիչները խոստովանում են, որ իրենք զրո են, իրենք անվստահելի են, իրենք հավաքական անգրագիտությունն են, որ կան։

Սակայն կա ամենից կարևոր մի հարց։

ՔՊ քարոզիչները խուսափում են Արցախի թեմայով զրույցից։

Ինչո՞ւ են այդ հարցից հիսթերիայի մեջ ընկնում։ Որովհետև քպ կուսակցության մեջ կա խոր անդունդ վերնախավի և շարքայինների միջև, որովհետև շարքայինները ձայնազուրկ են և «ասիչը»   երեքգլխանի խունտայի պարագլուխներն են միայն։

Հիմա մի հարց՝ քպ քարոզիչներին. ինչո՞ւ եք անիմաստ թափառում տոթակեզ Երեւանում, չէ՞որ մարդկանց ասածը ձեր պարագլուխը չի անելու. դուք ուղղակի զավեշտալի վիճակում եք։

Հարգե՛ք ձեզ, տրամաբանեք և գիտակցեք, որ ձեզ պարզապես օգտագործում են և օգտագործում են ձեր հայրենիքի դեմ դավաճանական դավի մեջ։

Ուղեղ ունեցեք, մի՛ թողեք ձեզ օգտագործեն։