Իսլամական հեղափոխության առաջնորդի ավագ խորհրդականը հայտարարել է, որ Իրանի անվտանգությանը կեղծ պատրվակներով մոտեցող ցանկացած միջամտողական ձեռք կկտրվի նախքան երկիր հասնելը:
Ուրբաթ օրը իր X էջում գրառման մեջ կոնտր-ադմիրալ Ալի Շամխանին գրել է. «Իրանի ժողովուրդը շատ լավ ծանոթ է «փրկության» ամերիկյան փորձին՝ սկսած Իրաքի և Աֆղանստանի փորձից մինչև Գազա»։
«Իրանի ազգային անվտանգությունը կարմիր գիծ է, այլ ոչ թե անխոհեմ գրառումների խաղահրապարակ», – հավելել է նա՝ արձագանքելով ԱՄՆ նախագահ Դոնալդ Թրամփի Truth Social-ում գրառմանը։
Ուրբաթ Թրամփը նոր սպառնալիք հնչեցրեց Իրանի հասցեին՝ պնդելով, որ Վաշինգտոնը «պատրաստ է» միջամտել, եթե Իրանի իշխանությունները, ենթադրաբար, բռնություն կիրառեն ցուցարարների դեմ։
Իր սոցցանցերում հրապարակված գրառման մեջ Թրամփը գրել է, որ եթե Իրանը «կրակի և բռնի կերպով սպանի խաղաղ ցուցարարներին», Միացյալ Նահանգները «կգա նրանց օգնության»։
MEHR
Ինչպես ավելի վաղ հայտնել ենք, Իրանում բողոքի ցույցեր են. հանրությունը բաղոքում է ազգային արժույթի արժեզրկման և գնաճի դեմ։
