«Պատերազմի կուսակցությունները» ասում են, որ իրենք դեմ չեն խաղաղությանը և ասում են, որ իշխանության գալու պարագայում սկսելու են վերանայել խաղաղությունը. լրագրողների հետ այսօրվա ճեպազրույցում ասաց Փաշինյանը՝ ընդդիմությանը նորից անվանելով «պատերազմի կուսակցություն»։
«Ես շատ ուղիղ, առանց սեթևեթանքի ուզում եմ ասել, որ դա պատերազմ է ոչ միայն ՀՀ տարածքային, այլև ինքնիշխանության կորստով։ Այդ ուժերից ոմանք չեն էլ հասկանում, թե ինչ են ասում, որովհետև էնն տեքստերը, որ նրանք արտասանում են, ինձ համար ակնհայտ է, որ ուրիշ տեղեր են գրվել, և նրանք պարզապես կարդացողի կարգավիճակում են»,- նշաց Փաշինյանը։
Անդրադառնալով առաջիկա ընտրություններին՝ նա ասել է.
Ձեր 90%-ը 2026 թվականի խորհրդարանական ընտրություններում քվեարկելու է մեր օգտին։ Գիտե՞ք՝ ինչու, որովհետև դուք ինձնից լավ գիտեք, որ հակառակ պարագայում, այսօրվա ընտրանքի իշխանություններից որևէ մեկի պայմաններում, ձեզ այս նույն գործունեության համար սպառնում է առնվազն հաշմանդամություն, դուք դա ինձնից լավ գիտեք»,-նշել է նա:
Փաշինյանը հավելել է, որ լրագրողներին վերաբերվում է որպես իրենց ընտրողի:
«Դուք չեք կարող ուղղակի 2026 թվականի խորհրդարանական ընտրություններում մեր օգտին չքվեարկել, որովհետև, հակառակ դեպքում, դուք մինիմում մնալու եք անգործ, մաքսիմում՝ ձեզ սպառնում է հաշմանդամություն, գուցե թեթև, եթե շարունակեք օգտվել ձեր խոսքի ազատության իրավունքից, ինչպես հիմա եք օգտվում»,-ասել է վարչապետը:
