Ադրբեջանը ցանկանում է, որ Եվրամիությունը դառնա նոր տրանսպորտային հանգույցի մաս, այդ թվում՝ ԵՄ գլոբալ դարպասների նախաձեռնության շրջանակներում։
APA գործակալության փոխանցմամբ՝ այս մասին Բրյուսելում EU Today-ին տված հարցազրույցում հայտարարել է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։
Նա նշել է, որ Զանգեզուրի միջանցքով տարեկան կտեղափոխվի 15 միլիոն տոննա բեռ, իսկ Ադրբեջանին պատկանող հատվածի շինարարությունը կավարտվի մինչև 2026 թվականը։
«Բաքուն ուրախ կլինի տեսնել Եվրոպական Միությունը այս նոր տրանսպորտային հանգույցում», – ընդգծել է նախագահի օգնականը։
