Ադրբեջանին կրակը դադարեցնելու և բանակցային սեղանի շուրջ վերադառնալու Արցախի կոչին Ադրբեջանի նախագահի աշխատակազմից այսպես են պատասխանել․
«Ադրբեջանի տարածքում Հայաստանի կողմից ստեղծված և մինչ օրս աջակցվող անօրինական ռեժիմի՝ «բանակցություններ սկսելու» կոչի առնչությամբ Ադրբեջանի նախագահի աշխատակազմը հայտարարում է, որ մենք մի քանի անգամ մեր երկրի Ղարաբաղի տարածաշրջանում բնակվող հայ բնակչության ներկայացուցիչներին հրավիրել էենք երկխոսության՝ վերաինտեգրման հարցերը քննարկելու նպատակով։ Բայց նրանք ամեն անգամ հրաժարվում էին դրանից»։
Ինչպես տեսնում ենք, Բաքուն միայն մեկ օրակարգ ունի՝ արցախահայության ինտեգրում և Արցախն ամբողջապես ներառել իր տարածքում՝ առանց ինքնորոշման իրավունքի։
Բաքվի բռնապետի աշխատակզմից նաև հայտարարել են.
«Մեր երկրի Ղարաբաղի շրջանում հակաահաբեկչական միջոցառումները դադարեցնելու համար հայկական անօրինական զինված խմբավորումները պետք է բարձրացնեն սպիտակ դրոշը, հանձնեն բոլոր զենքերը, իսկ անօրինական ռեժիմը պետք է ինքնալուծարվի։
Հակառակ դեպքում հակաահաբեկչական միջոցառումները կշարունակվեն մինչև վերջ»։
