Պարզ բացատրեմ նրանց, ովքեր դեռ չեն հասկացել, թե որն է հայտնի անձի նպատակը. նշել է քաղաքագետ Ստեփան Դանիելյանը։
Նա մեկնաբանել է տարածաշրջանում ռուսների հետաքրքրությունների շրջանակն ու նպատակները. «Ռուսները սուրբ չեն, ոչ էլ մեր պրոբլեմներով են տառապում, իրենք իրենց խնդիրներն են լուծում, մեր հաշվին զիջումներ են անում թուրքերին, որ ժամանակ շահեն, մինչեւ Ուկրաինայում տեսնեն ինչ է լինելու, որ հարմար պահին ռեւանշ վերցնեն Թուրքիայից, որովհետեւ Ադրբեջանն ու Թուրքիան կարմիր գծեր են հատել, մտել են ռուսների ու իրանցիների տունը, սպառնում են իրենց ամբողջականությանը։
Հետեւապես, ռուսները հասկանում են, որ եթե հեռանան Արցախից, հետո կորցնելու են Հարավային Կովկասը, հետո Կենտրոնական Ասիան, հետո տարոսը Հյուսիսային Կովկասին ու Վոլգայի ավազանին է լինելու»։
Այս համատեքստում, երբ բոլոր կողմերն իրենց երկրի շահն են առաջ տանում, Հայաստանի ղեկավարը հետևյալ դիրքորոշումն ունի. «Հիմա գամ հայտնի անձին, իսկ նա ի՞նչ է ուզում։ Այդ անձն ունի պայմանավորվածություն՝ հանձնել Արցախը, հետո՝ Սյունիքը (արդեն անկախ իր ցանկությունից)։
Ինչի՞ համար է դա անում. արդեն հետաքննության հարց է, բայց նպատակն արդեն ակնհայտ է ու չի էլ թաքցնում դա։
Սա է հիմա կատարվում»։
