Լրագրողներն այսօր ԱԺ փոխնախագահ Ռուբեն Ռուբինյանից հետաքրքրվեցին՝ ինչո՞ւ իսրայելաիրանական հակամարտությամբ պայմանավորված՝ ՀՀ իշխանություններն Անվտանգության խորհրդի նիստ չեն հրավիրել։
«Իսկ դուք ի՞նչ գիտեք, որ նիստ չեն հրավիրել։ Կառավարությունը տարբեր ֆորմատներ ունի Անվտանգության խորհրդի նիստ հրավիրելու։ Դրանք կարող են լինել հրապարակային, կարող են լինել ոչ հրապարակային։ Եթե ձեր հարցի բովանդակությունն այն է, թե արդյոք ՀՀ կառավարությունը տվյալ իրավիճակի բխող ռիսկերը գնահատում է, ունի տարբեր սցենարն կառավարությունը պատրաստ է տարբեր սցենարների։ Ընդհանրապես, երբ տարածաշրջանում ռազմական գործողություններ են, դա ստեղծում է ապակայունացման ռիսկերեր՝ այո»,- ասաց նա։
Ռուբինյանի խոսքով՝ երբ մի երկրի հարևան երկրում ռազմական գործողություններ են, դա ինքնին սպառնալիք է տարածաշրջանային կայունությանը։
«Եվ դրանից բխող տարբեր սցենարներ կարող են լինել։ Ես հիմա չեմ կարծում, որ մենք պետք է խոսենք այդ սցենարներից, որովհետև հիմա իմաստ չունի սպեկուլյացիաներ անել, բայց կառավարությունը պատրաստ է տարբեր սցենարների։ Ընդհանրապես, երբ տարածաշրջանում ռազմական գործողություններ են, դա ստեղծում է ապակայունացման ռիսկեր»,- ասաց նա։
