Կամչատկայում 7.7 մագնիտուդով երկրաշարժ է գրանցվել
Կամչատկայի արևելյան ափի մոտ գրանցվել է 7.7 մագնիտուդով երկրաշարժ. հղում անելով TASS-ին` հայտնել է Եվրոպական-Միջերկրածովյան սեյսմոլոգիական կենտրոնը։
Ցնցումների էպիկենտրոնը գտնվել է Պետրոպավլովսկ-Կամչատկայից 125 կմ հյուսիս-արևելք. էպիկենտրոնը՝ 40 կմ խորության վրա։
Կամչատկայի արևելյան ափին հայտարարվել է ցունամիի վտանգի մասին. Telegram-ում հայտարարել է Կամչատկայի երկրամասի նահանգապետ Վլադիմիր Սոլոդովը։
«Թերակղզու արևելյան ափին հայտարարվել է ցունամիի սպառնալիք։ Հանրությանն իրազեկելու գործողություններ են կատարվում», – գրել է Սոլոդովը։
Նա հավելել է, որ բոլոր ծառայությունները բերվել են բարձր պատրաստվածության վիճակի։
Երկրաշարժի վնասների մասին տեղեկություններ չկան։
