«Լունա-25» ավտոմատ կայանը, ըստ նախնական հաշվարկների, այլևս գոյհություն չունի։ Այն բախվել է Լուսնի մակերեսին. հայտնել է «Ռոսկոսմոսը»։
Պետական կազմակերպությունից նաև հայտնել են, որ օգոստոսի 19-ին և 20-ին սարքի որոնման և դրա հետ կապ հաստատելու միջոցառումները արդյունք չեն տվել։ Նրանք նաև հիշեցրել են, որ օգոստոսի 19-ին ազդակ է տրամադրվել նախավայրէջքի էլիպսաձև ուղեծրի ձևավորման համար։
«Ռոսկոսմոսը» հավելել է, որ «Լունա-25»-ի ոչնչացման պատճառների պարզաբանմամբ կզբաղվի հատուկ ստեղծված միջգերատեսչական հանձնաժողովը։
