«Պրավդա» հրատարակչության նախկին տնօրեն Վյաչեսլավ Լեոնտևը մահացել է Մոսկվայում, նախնական տվյալներով՝ ինքնասպանություն է գործել, հայտնում է ՏԱՍՍ-ը՝ հղում անելով օպերատիվ ծառայությունների աղբյուրին։
«Լեոնտևը մահացել է նախօրեին երեկոյան։ Նախնական տվյալներով, մահվան պատճառը նյարդային խանգարման ֆոնին ինքնասպան լինելն է», – ասել է գործակալության զրուցակիցը։
Ըստ նրա, 87-ամյա տղամարդու մարմինը հայտնաբերվել է Մոլոդոգվարդեյսկայա փողոցում գտնվող նրա բնակարանի պատուհանների տակ։ Մահվան քրեական հետքեր չկան։
Լեոնտևը 1971 թվականից աշխատել է «Պրավդա» հրատարակչությունում՝ որպես արտադրական բաժնի պետի տեղակալ։ 1984 թվականին նա գլխավորել է հրատարակչությունը և ղեկավարել այն, այդ թվում՝ մինչև այն ժամանակը, երբ այն վերափոխվել է «Պրեսա» դաշնային պետական ունիտար ձեռնարկության։
