ԱՄՆ նախագահական ընտրությունների հաղթող Դոնալդ Թրամփի ավագ որդին սոցիալական ցանցերում հաղորդագրություն է հրապարակել, որում սպառնում և ծաղրում է Վլադիմիր Զելենսկուն՝ ասելով, որ Ուկրաինայի նախագահը կարող է շուտով կորցնել իր «թոշակը»:
Ըստ Telegraph կայքի՝ ԱՄՆ ընտրված նախագահի ավագ որդին՝ Դոնալդ Թրամփ-կրտսերը ծաղրել է Ուկրաինային և Վլադիմիր Զելենսկուն՝ կապված ամերիկյան օգնության հնարավոր կորստի հետ, երբ հայրը վերադառնա Սպիտակ տուն։
Դոնալդ Թրամփ-կրտսերը Զելենսկու հետ տեսանյութ է հրապարակել Instagram-ի իր էջում՝ ակնարկելով, որ նա շուտով կարող է կորցնել Կիևին տրվող Վաշինգտոնի օգնությունը։
Նրա հրապարակած տեսանյութում Զելենսկին և ԱՄՆ նախկին նախագահ Թրամփը ներկայացված են նույն կադրում։ Տեսախցիկը աստիճանաբար մեծացնում է Ուկրաինայի նախագահի դեմքի տխուր արտահայտությունը, որից հետո պատկերը դառնում է սև ու սպիտակ, և դոլարային թղթադրամներն ընկնում են Զելենսկու վրա։
Տեսանյութին կցվում է հաղորդագրություն՝ «Կարծիք. 38 օր է մնացել թոշակդ կորցնելուն»։
