Թրամփը հայտարարել է, որ խնդրել է Պուտինին չպատասխանել Կիևի կողմից ռուսական օդանավակայանների վրա հարձակմանը. BBC
ԱՄՆ նախագահ Դոնալդ Թրամփը Գերմանիայի կանցլեր Ֆրիդրիխ Մերցի հետ Օվալաձև աշխատասենյակում հանդիպման ժամանակ լրագրողներին ասել է, որ երեկ Ռուսաստանի առաջնորդ Վլադիմիր Պուտինի հետ զրույցի ժամանակ հորդորել է նրան չպատասխանել Ուկրաինայի կողմից Ռուսաստանում գտնվող ռազմական օդանավակայանների վրա հարվածներին. գրում է BBC-ն։
«Ես ասացի՝ մի՛ արա դա, դու չպետք է անես դա, դու պետք է դադարեցնես», – լրագրողներին ասել է Թրամփը՝ հավելելով, որ Պուտինը իրեն ասել է, որ «ինքը այլընտրանք չունի, քան պատասխանելը»։
Թրամփը նշել է, որ պատերազմը դադարեցնելը դժվար է եղել, քանի որ Ռուսաստանի և Ուկրաինայի միջև «շատ վատ վրեժ» կար, իսկ Վլադիմիր Պուտինի և Վլադիմիր Զելենսկու միջև՝ ատելություն։
«Երբեմն տեսնում ես երկու փոքրիկ երեխաների, որոնք խելագարի պես կռվում են։ Նրանք ատում են միմյանց, կռվում են, և դու փորձում ես բաժանել նրանց։ Նրանք չեն ուզում բաժանվել, երբեմն ավելի լավ է թողնել, որ նրանք որոշ ժամանակ մենամարտեն», – ասել է նա։
Լրագրողները Թրամփին հարցրել են նաև Ռուսաստանի վրա ճնշումներն ուժեղացնելու մասին, սակայն ԱՄՆ նախագահըխուսափել է պատասխանել։
Նա հիշեցրել է, որ Սպիտակ տանը իր առաջին ժամկետի ընթացքում ինքը պատժամիջոցներ է կիրառել «Հյուսիսային հոսք 2» գազատարի կառուցման դեմ և կրկին քննադատել է իր նախորդին՝ Ջո Բայդենին։
Ֆրիդրիխ Մերցը, իր հերթին, կոչ է արել Թրամփին ուժեղացնել Ռուսաստանի վրա ճնշումը՝ Ուկրաինայում պատերազմը դադարեցնելու համար։
«Դուք գիտեք, որ մենք աջակցություն ենք ցուցաբերել Ուկրաինային և ձգտում ենք մեծացնել ճնշումը Ռուսաստանի վրա», – ասել է նա։ Թրամփը կարևոր անձն է, ով կարող է դադարեցնել պատերազմը. Ասել է Մերցը
