Թրամփը Զելենսկիուն անվանել է միջակ կատակերգու և հետ պահանջել ԱՄՆ-ի փողերը
Նա նշել է, որ, այնուամենայնիվ, Ուկրաինայի նախագահին հաջողվել է համոզել Միացյալ Նահանգներին ծախսել 350 միլիարդ դոլար պատերազմի վրա, «որում երբեք չէր կարող հաղթել»:
Թրամփը նաև մեղադրել է Զելենսկիուն փող բաց մսխելուև «փողի խողովակի վրա» նստելու ցանկության մեջ։
«Առանց ընտրությունների, բռնապետ Զելենսկին ավելի լավ է շտապի, այլապես նրան երկիր չի մնա. Ուկրաինան կործանվեց, և միլիոնավոր մարդիկ իզուր մահացան, և սա դեռ շարունակվում է»,-ասել է Թրամփը
«ԱՄՆ-ն 200 միլիարդ դոլարով ավելի է ծախսել, քան Եվրոպան։ Եվրոպայի փողերը երաշխավորված են, մինչդեռ ԱՄՆ-ն դրա դիմաց ոչինչ չի ստանում։ Ինչո՞ւ քնկոտ Ջո Բայդենը հավասարեցում չպահանջեց։ Ի լրումն այս ամենի, Զելենսկին խոստովանում է, որ գումարի կեսը, որը մենք ուղարկել ենք իրեն, «ԿՈՐԵԼ Է»:
Նա հրաժարվում է ընտրություններ անցկացնելուց, ուկրաինական հարցումներում շատ ցածր վարկանիշ ունի, և միակ բանը, որում նա հաջողում էր, Բայդենին «ներդաշնակ» նվագակցելն էր։ Միևնույն ժամանակ, մենք հաջողությամբ բանակցություններ ենք վարում Ռուսաստանի հետ պատերազմի ավարտի շուրջ, ինչը բոլորն ընդունում են, որ միայն Թրամփը և Թրամփի վարչակազմն են ի զորու անել: Բայդենը երբեք չփորձեց, Եվրոպան անընդունակ եղավ խաղաղություն հաստատել, և Զելենսկին, ըստ երևույթին, ցանկանում է պահպանել «կերակրատաշտը»: Ես սիրում եմ Ուկրաինան, բայց Զելենսկին սարսափելի գործ է արել, նրա երկիրը ավերված է, և միլիոնավոր մարդիկ իզուր են զոհվել», – գրել է Թրամփը սոցցանցի իր էջում։