Թուրքիան մշակում է սեփական հիբրիդային հրթիռը, որը կօգտագործվի դեպի Լուսին առաքելություն իրականացնելու նպատակով: Այս մասին հայտարարել է Թուրքիայի արդյունաբերության և տեխնոլոգիայի նախարար Մուստաֆա Վարանկը:
«Մենք Լուսին կհասնենք եզակի ազգային հիբրիդային հրթիռի արձակման միջոցով: Այսօր մենք այցելում ենք Delta V ընկերության օբյեկտներ, որոնք մշակում են հիբրիդային շարժիչի եզակի տեխնոլոգիաներ, որոնք Լուսնի առաքելության կարևոր բաղադրիչն են», ասել է նախարարը, որի խոսքերը մեջբերում է ՏԱՍՍ-ը:
