Թբիլիսում բախումներ են սկսվել ցուցարարների և ոստիկանների միջև։
Վրաստանի ՆԳՆ-ն հայտարարել է, որ տարբեր ստորաբաժանումների աշխատակիցներ մոբիլիզացված են Վրաստանի տարբեր քաղաքներում անցկացվող ակցիաների շրջակայքում կարգուկանոն պահպանելու համար։
Կառույցից կոչ են արել հանրահավաքների կազմակերպիչներին, քաղաքական առաջնորդներին և մասնակիցներին օրենքով սահմանված կարգով բողոքի ակցիաներ կազմակերպել, հակառակ դեպքում կհետևի ոստիկանության համապատասխան իրավական արձագանքը։
Լրատվամիջոցները հայտնում են, որ Ռուսթավելիի փողոցում ՆԳՆ-ն հավելյալ ուժեր և ջրցան մեքենաներ է կենտրոնացրել։ Կան հաղորդումներ, որ Վրաստանի խորհրդարանից ոչ հեռու բախումներ են գրանցվել ոստիկանության ու ցուցարարների միջև։
ՆԳՆ աշխատակիցները մուտքի դարպասների մոտ հավաքվածներին հրում են դեպի Ռուսթավելի պողոտա։
Ավելի վաղ հայտնել էինք, որ ԵՄ-ի մասին Վրաստանի վարչապետ Իրակլի Կոբախիձեի հայտարարությունից հետո Թբիլիսիում բողոքի ցույցեր են։ Ցուցարարներին է միացել Վրաստանի նախագահ Սալոմե Զուրաբիշվիլին, որն ավելի վաղ հայտարարել էր, որ «Վրաստանում ոչ լեգիտիմ իշխանությունը պատերազմ է հայտարարել ժողովրդին»։
Նշենք, որ Վրաստանի վարչապետ Իրակլի Կոբախիձեն հայտարարել էր, որ Վրաստանը հրաժարվում է Եվրամիությանն անդամակցելու շուրջ բանակցություններից մինչև 2028 թվականի վերջը:
