Թարմացված. Ի՞նչ է հայտնի Իսրայելի՝ Իրանի վրա հարձակման հետևանքների մասին

*Իրանը Իսրայելի հարձակումը որակում է «պատերազմի հայտարարություն»։ Իսրայելը  տասնյակ հազարավոր պահեստազորայինների զորահավաք է սկսել՝  սպասելով հակահարվածի։ Ինչ գիտենք մինչ այժմ։

*«Մենք տասնյակ հազարավոր զինվորների ենք կանչում և մարտական ​​պատրաստության ենք բերում ամբողջ սահմանին», – տեսաուղերձում ասել է Իսրայելի պաշտպանության բանակի շտաբի պետ Էյալ Զամիրը։ Ինչպես ընդգծել է վարչապետ Բենիամին Նեթանյահուն, իսրայելական գործողությունը կշարունակվի «այնքան ժամանակ, որքան անհրաժեշտ է»։

*Այս գիշեր Իսրայելի հարձակմանը մասնակցել է մոտ 200 ինքնաթիռ։ Թեհրանը պատասխանել է՝ Իսրայելի տարածք արձակելով ավելի քան 100 անօդաչու թռչող սարք, որոնք բոլորը, ըստ Իսրայելի պաշտպանության բանակի, որսացվել են։

*Նաթանզում գտնվող Իրանի ուրանի հարստացման գործարանի ստորգետնյա համալիրին  վնաս է հասցվել։ «Սա ամենամեծ օբյեկտն է, որը տարիներ շարունակ գործում է միջուկային զենք ստանալու համար», – հայտնել է Իսրայելի բանակի մամուլի ծառայությունը։

*Իրանը հաստատել է Իսլամական հեղափոխության պահապանների կորպուսի (ԻՀՊԿ) գլխավոր հրամանատար և երկրի ամենաազդեցիկ մարդկանցից մեկի՝ գեներալ Հոսեյն Սալամիի մահը: Հարձակման հետևանքով զոհվել է նաև Իրանի գլխավոր շտաբի պետ Մոհամմադ Բաղերին:

*Իրանի արտաքին գործերի նախարարը ՄԱԿ-ում Իսրայելի հարձակումը  որակել է որպես «պատերազմի հայտարարություն»։ Միևնույն ժամանակ, Իրանի գերագույն առաջնորդ Այաթոլլահ Խամենեին հայտարարել է, որ ինքը երկրի զինվորականներին տալիս է «գործողությունների ազատություն»՝ հարձակմանը արձագանքելու համար։

Հետևեք մեզ նաև Տելեգրամում։