Հունվարի 31-ին դիրքերից ուղերձ հղած հայկական բանակի զինծառայողը Գորիսի ռազմական ոստիկանությունում է. այս մասին գրում է «Դեժավյու» տելեգրամյան ալիքը:
«Երեկ ֆեյսբուք սոցիալական ցանցում այս զինվորականը ցուցադրում էր, թե ինչ խայտառակ պայմաններում են ծառայում հայ սահմանապահները. քնում են գետնին՝ պատառոտված վրանի տակ:
Dejavu-ին հայտնի է դարձել , որ նա գյումրեցի Անդրանիկ Պողոսյանն է: Այսօր նրան են այցելել զինվորական դատախազության աշխատակիցները: Նա ֆեյսբուքից հեռացրել է իր լայվը եւ անհետացել է: Անդրանիկի ծանոթների խոսքով նա այժմ հնարավոր է ձերբակալված է, որովհետեւ դատախազության աշխատակիցները ասել են, որ նրա գործողություններում առկա են հայրենիքի դավաճանության հիմքեր:
Քիչ առաջ ճշտեցինք, որ Անդրանիկ Պողոսյանը գտնվում է Գորիսի ռազմական ոստիկանությունում: Հարուցվել է քրեական գործ: Նրան տեղափոխելու են Գյումրի»,- գրում է տելեգրամյան ալիքը։
