Իսրայելական բանակը (ՑԱԽԱԼ) X սոցիալական ցանցի գրառման մեջ հայտնել է, որ «ահաբեկչական գործունեություն» է հայտնաբերել մի հաստատությունում, որն, ըստ նրա, պատկանում է լիբանանյան «Հըզբոլլահ» շարժմանը և որ Լիբանանի հարավում միջին հեռահարության հրթիռներ են տեղակայված:
«Սպառնալիքը վերացվել է կործանիչի հարձակման արդյունքում»,-հայտարարել են իսրայելական բանակում՝ հավելելով, որ հարավային Լիբանանում տեղակայված իր ուժերը «գործում են և կանխում նախօրեին վաղ առավոտյան ուժի մեջ մտած հրադադարի խախտումները»։
Կատարի Al Jazeera հեռուստաալիքը հաղորդել է, որ սա այսօրվա և երեկվա մի քանի միջադեպերից մեկն է միայն, երբ իսրայելական զորքերը գնդակոծել են հարավային Լիբանանի բնակեցված տարածքները։
