Զգուշացում Չինաստանին՝ ամերիկյան ձևով

Միացյալ Նահանգները զգուշացրել է Չինաստանին` եթե պաշտոնական Պեկինը որոշի աջակցել Մոսկվային Արեւմուտքի տնտեսական պատժամիջոցների պայմաններում, ապա կբախվի հետեւանքների։  Պետդեպարտամենտի մամուլի ծառայության ղեկավար Նեդ Փրայսն է հայտարարել, երբ ԱՄՆ նախագահի ազգային անվտանգության գծով խորհրդական Ջեյք Սալիվանը եւ ԱՄՆ պետքարտուղարի Արեւելյան Ասիայի եւ Խաղաղ օվկիանոսի գործերով օգնականը Հռոմում հանդիպել են Չինաստանի Կոմկուսի Կենտկոմի Արտաքին հարաբերությունների հանձնաժողովի գրասենյակի ղեկավար, Քաղբյուրոյի անդամ Յան Ցզեչիի հետ: Նրան փոխանցվել է, որ  ԱՄՆ-ն անհանգիստ է, թե Չինաստանը կօգնի Ռուսաստանին: Սալիվանը բարձրացրել է ամերիկա-չինական հարաբերությունների վերաբերյալ հարցերի շարք՝ Ուկրաինայի դեմ Ռուսաստանի պատերազմի մասին հիմնավոր բանավեճերով։