Ստեփանակերտ-Կոռնիձոր ճանապարհը գերծանրաբեռնված է։ Մարդիկ օրերով մնում են ճանապարհին, շատ դեպքում նրանց հետ կապ հաստատել չի հաջողվում։
Այս մասին հայտնում են ԱՀ ՆԳՆ-ից:
Ավելորդ խնդիրներից, դեպքերից ու պատահարներից խուսափելու համար` խնդրում ենք չշտապել։
Խցանումների պատճառով հնարավոր չէ այս պահին իրականացնել տեղափոխումը` անգամ շրջաններից։
Ստեփանակերտի բնակչության տեղափոխման հարցով դիմել քաղաքապետարան, շրջաններում` վարչակազմերին։
Խնդրում ենք ըմբռնումով մոտենալ. մեր կառույցը (օպերատիվ շտաբ և ԱԻ պետական ծառայություն) զբաղվում է անհետ կորածների հարցերով, ըստ այդմ` որոնողափրկարարական աշխատանքներով։
Նշենք, որ բռնի տեղահանված արցախցիների տեղափոխման, նաև նրանց Հայաստանի այլ բնակավայրեր հասցնելու խնդիրները հիմնականում լուծվում են Գորիս համայնքում։
Այնտեղ աշխատում է Կարմիր խաչը, նաև կամավոր բժիշկներ, հոգեբաններ, այլ մասնագետներ, ուսանողներ։
Պաշտոնական տվյալ չկա, թե այս պահին քանի արցախցի է տեղափոխվել Կոռնիձոր։ Ոչ պաշտոնական տվյալները հաղորդում են՝ 15. 000։
Գործում է Կոռնիձորի հումանիտար կայանը և Գորիսի կոորդինացնող կետը։ Մինչ այս պահը, պետական մակարդակով չի կազմավորվել արցախահայության տարհանման և այլ հարցերով միասնական շտաբ։
