ԵՊՀ ռեկտորը փակվել է իր սենյակում, որպեսզի կարծիք չհայտնի Արցախի մասին

«Դիմադրություն» շարժման մասնակիցները ԵՊՀ-ի մոտ են, նրանք պահանջում են, որպեսզի ռեկտոր Հովհաննես Հովհաննսիյանը դուրս գա իր աշխատասենյակից ու դիրքորոշում հայտնի Արցախի մասին, նաև ասի՝ կո՞ղմ է այսօրվա իշխանությունների վարքագծին։
«Ասում ենք՝ ժողովուրդ ջան, կողմնորոշվեք, մարդը շենքում է, թե՞ շենքում չի , այդպես էլ պատասխան չունենալով՝ գանցինք իր սենյակ։ Տղամարդ ռեկտորը տեսնելով, որ ԱԺ պատգամավորներ են բարձրանում, դուռը ներսից փակում, մնում է ներսում։ Ուսանողներ ջան, իմացեք՝ ձեր ռեկտորը փակված, նստած է իր սենյակում։ Պարոն Հովհաննիսյան, դուռը, պատուհանները բացիր, իջել ենք, շունչ քաշիր ի վերջո։ Փաստենք՝ ԵՊՀ ռեկտորը դուռը փակել, նստել է, որպեսզի չասի՝ Արցախը չի լինելու Ադրբեջանի կազմում»,- հայտարարեց պատգամավոր Աննա Գրիգորյանը։
«Մենք մտանք ԵՊՀ շենք, գնացիրնք ռեկտորատ, ռեկտորի սենյանը փակ էր ․ ակնհայտ էր, որ ինքն իր աշխատասենյակում փակված էր, ուղղակի չուզեց հանդիպել , չուզեց իր քաղաքացիական դիրքորոշումը հայտնել։ Կոպիտ ասած՝ մարդը բարիկադավորվել էր շենքի ներսում։ Հոգաբարձուների հորհրդի նախագահին դրել են ՔՊ-ականի, որ համալսարանն ապաքղաքականացնեն , եթե աբսուրդ եք փնտրում, ամենամեծ աբսուրդն այստեղ է ։ ԵՊՀ ռեկտորը պրոֆտեխուսումնարանի տնօրեն չէ, նա պարտավոր է իր կարծիքը հայտնել Արցախի շուրջ տիրող վիճակի մասին։ Այս պայմաններում, որ ԵՊՀ ռեկտորը վախենում է դուրս գալ և խոսել, հերթական խարանն է երկրի»,- իրավիճակի մասին իր խոսքն ասաց պատգամավոր Արթուր Խաչատրյանը։