Եթե ՆԱՏՕ-ի զորքերը մտնեն Ուկրաինա, ապա Ռուսաստանը կարող է պահեստներից հանել ամենավտանգավոր զենքը: Այս մասին այսօր Կազանում ԲՐԻԿՍ-ի գագաթնաժողովի շրջանակում ВГТРК-ին տված հարցազրույցում հայտարարել է Բելառուսի նախագահ Ալեքսանդր Լուկաշենկոն, փոխանցում է БЕЛТА-ն:
Նշվում է, որ Լուկաշենկոն նման հայտարարություն է արել Ռուսաստանի կողմից հյուսիսկորեացի զինվորականների ենթադրյալ ներկայության մասին շրջանառվող կեղծ տեղեկություններին պատասխանելու համատեքստում, ինչը, ի թիվս այլ բաների, կարող է պատրվակ դառնալ Ուկրաինա ՆԱՏՕ-ի զորքեր մտցնելու համար։
Իյնչպես վստահեցրել է Լուկաշենկոն՝ Ռուսաստանի ղեկավարությունը և զինվորականները հյուսիսկորեացիների կարիքը չունեն:
Նրա խոսքով՝ Ուկրաինայի դեմ պատերազմում ռազմաճակատում բավականաչափ ռուսներ կան։ Նա նշելէ, որ Ռուսաստանում 140-150 միլիոն բնակչություն կա՝ Ուկրաինայի 25 միլիոն բնակչության դիմաց, ակնարկելով, որ Ռուսաստանը հազիվ թե հյուսիսկորեացիների կարիքն ունենար:
«Չեմ հավատում, որովհետև ռուսները, դիմելով այդ քայլին, հասկանում են, որ պատասխան քայլ է լինելու։ Ռուսաստանի համար դա անցանկալի է: Դե, եթե Ուկրաինան և Արևմուտքը ցանկանան ՆԱՏՕ-ի զորքեր ուղարկել այնտեղ, դա կլինի հերթական պատերազմը։ Այդ ժամանակ ռուս զինվորականները կարող են իրենց պահեստներից հանե:լ ամենավտանգավոր զենքը»,-ասել է Լուկաշենկոն։
