Մեր ժամանակի հերոսն է նաև ավտոմեքենայի gold համարանիշ ձեռք բերելու համար պետբյուջե մուտքագրող Հայաստանի քաղաքացին։ Եվ մենք դրա համար տխրելու ոչ մի առիթ չունենք, քանի որ Թուրքիայի կառավարությունը նույնիսկ Էրդողանի գլխավորած իսլամական պահպանողականների իշխանության տարիներին հարկային մուտքերի աճն ապահովելու համար, կարևոր տեղ է հատկացրել հասարակաց տների գործունեությանը։
Պաշտոնապես գործող հասարակաց տներից բացի, Թուրքիայում գործունեություն են ծավալում նաև չգրանցված հանրային տները։ Ապօրինաբար գործող այդ կարգի պոռնկատներին հարկային դաշտ բերելու նպատակով, Թուրքիայի կառավարությունը ահռելի ջանքեր է գործադրում։
Եթե մինչև 2015 թվականը այդ ոլորտից պետական բյուջե մուտքագրվող գումարը Թուրքիայում չէր գերազանցում տարեկան 4 միլիարդ դոլարը, ապա Թուրքիայի «Արդարություն և զարգացում» կուսակցության կազմավորած կառավարության ջանքերի շնորհիվ, հետագա տարիներին այդ մուտքերը բազմապատկվեցին և այսօր այդ ցուցանիշը գերազանցում է անգամ 40 միլիարդը։
Դրա շնորհիվ անառակատների միջոցով զբաղվածության ապահովման և հարկային մուտքերից գոյացող միջոցների ցուցանիշով, Թուրքիան աշխարհում զբաղեցնում է երրորդ պատվավոր տեղը։
Ի դեպ, Թուրքիայի պետական բյուջե մուտքագրող ամենահայտնի հարկատուներից է նաև Կոնստանտինուպոլսում ծնված, որոշ տվյալներով՝ հայ ազնվական ընտանիքին պատկանող Մաթիլդա Մանուկյանը, ով Թուրքիայի գանձարան վճարված ռեկորդային 10 միլիոն դոլարի դիմաց 2013 թվականին արժանացել է հատուկ մրցանակի՝ «Ոսկե հուշատախտակ» հուշամեդալի։
Փառք տանք, որ մեր հերոսը Մաթիլդայի սնուցած ու Էրդողանի փառաբանած կադրը չէ։
Իրանագետ, վերլուծաբան Գրիգոր Առաքելյան
