Գերմանիայի մշակույթի նախարարը դեմ է արտահայտվել ռուսական մշակույթի արգելքին
Գերմանիայի մշակույթի և լրատվամիջոցների պետական նախարար Կլաուդիա Ռոթը` «Միություն 90/Կանաչ» կուսակցությունից դեմ է արտահայտվել ռուսական մշակույթի արգելքին, հայտնում է Augsburger Allgemeine թերթը :
«Մեծ անորոշություն կա ռուսական մշակույթի հետ առնչվելու հարցում: Կարծում եմ, որ բոյկոտը լիովին սխալ է, քանի որ հաճախ հենց ռուս արվեստագետներն են փորձում փրկել ազատ տարածության մնացորդները»,- ասաց Ռոթը։
Նա հավելեց, որ թույլ չի տա, որ իրենից խլեն ռուսական մշակույթը՝ այն անվանելով մեծ։
Ավելի վաղ ռուսաֆոբիայի դեմ ակցիա էր անցկացվել Ֆրանսիայի հարավ-արևմուտքում։
Ցույցի մասնակիցները կրել են պաստառներ՝ «Ռուսաֆոբիան ռասիզմ է», «Ես ֆրանսիացի եմ. Ոչ մի ռուսաֆոբիա. Ոչ մի ապատեղեկատվություն»: Նրանք կարդացել են Ալեքսանդր Պուշկինի բանաստեղծությունները ռուսերեն և ֆրանսերեն լեզուներով։
